2020-03-28
疫情持續緊張，Y Fit 學員暫時都係繼續乖乖留喺屋企。但唔出街唔代表唔鍛鍊，你地Stay at home for friends and family，我地Stay at work for you ! 繼續拍片教大家喺屋企做運動！
上星期我地教大家做高強度訓練HIIT，今個星期會教大家點樣進一步提升運動表現！「伸展」二字大家成日都聽到，但你又知唔知其實伸展有分幾種？其中動態伸展除咗可以增加柔軟度及幫助提升關節活動範圍外，仲可以提升運動表現、力量表現、及爆發力，適合在訓練開始之前作為熱身動作。
--------------------------------------------------
訓練內容：潑水動作、上犬式、下犬式、三點支撐+轉身
所訓練身體部位：大腿肌肉、小腿肌肉、腰腹肌肉、髖部、胸部肌肉
注意事項及建議：
1) 保持呼吸暢順
2) 各個動作分別維持3至5秒，重覆6至8次
3) 伸展運動並非愈痛愈好，只要感受肌肉微微拉扯便可
好處：
1) 在日常中久站或久坐後，容易導致小腿繃緊；或是運動訓練後，大腿小腿肌肉亦會出現緊縮結實的情況，潑水動作有助放鬆大腿後方及小腿，改善以上問題
2) 上犬式、下犬式可以放鬆腰腹肌肉，提高脊柱的靈活度，舒緩腰部疼痛
3) 日常生活中長期維持同一個動作 (例如坐著用電腦)，或姿勢不良的話，容易導致全身肌肉繃緊及痛症出現，三點支撐+轉身動作有助增加柔軟度，以及加大關節活動範圍，放鬆繃緊的肌肉
返回