2020-05-01
今集邦Sir會教大家做三組動作，一併訓練全身的 #肌力肌耐力！
其實要維持身體 #正確姿勢、 #增強身體平衡力、 #協調性、 #穩定性，都需要全身各部份肌肉適當運動同配合！不過偏偏都市人的生活每日都相當重複，變相有啲肌肉日日用，有啲肌肉就成日都唔會郁到，導致肌肉不平衡，造成姿勢不良，仲會影響關節活動範圍！
今集的運動相對會比較難，需要全身的協調，所以有啲動作邦Sir特意準備咗 #簡易版 比學生循序漸進咁做，同時有啲動作都有加強版，等一啲對正常版應付自如的學生可以跟住加強訓練效能！
-----------------------------------------------------------------------
訓練內容：下蹲＋出拳、肩膊複合式動作、橫向弓箭步+出拳
所訓練身體部位：手臂肌肉、胸背肌肉、臀部肌肉、大腿肌肉、小腿肌肉
注意事項及建議：
1）訓練前需有足夠熱身
2）保持呼吸暢順
3）每個動作分別進行12至15次 ，各做2至4組
4）組與組中間休息60至90秒
好處：
1）下蹲＋出拳可以一併訓練上、下肢的主要肌肉，除了可以增強肌力肌耐力外，亦可以增強平衡力。同時，胸背肌肉亦得到刺激，有助維持身體正確姿勢
2）肩膊複合式動作除了可以訓練手臂及肩膊周邊肌肉外，亦可加強肩膊活動能力。在學員掌握動作的規律後，更可增強身體協調性
3）橫向弓箭步+出拳需要全身各部份的肌肉協調運動，加強訓練上、下肢肌力肌耐力，同時亦可增強身體平衡力及穩定性
返回